إنهاء علاقة حب من طرف واحد

شو هو الحب؟
الحب هو جسر طويل يرصل بين شخصين واقفين ع الطرفين ليلتقوا بالنص
الحب هو رباط أبدي بيجمع بين قلبين وعقلين وروحين
الحب هو مشاعر وعواطف وأحاسيس بيحاول كل واحد من الحبيبين يقدمها للآخر على طبق من ذهب
الحب هو أحلى وأروع وأعذب لحن بها الدني
أنا من خلال هاد حابة إسأل شي وياريت بلاقي الإجابة عنوا لأنوا بصراحة سؤال بيظل ببالي ع طول ولهلا ما لقيت الشي يلي فيه يريحني ويقنعني
بما أنوا الحب شي متعلق دايما بشخصين اتنين، هل يمكن ويجوز إنوا واحد من ها الشخصين بيتخذ قرار وقفوا أو إنهاؤوا بدون حتى ما ياخذ رأي الطرف التاني فيه؟
يعني بما أنوا الحب رباط بين اتنين؟ هل يحق لواحد يقطع ها الرباط من حالوا لحالوا؟

يا حبيتي ممكن الانسان يقطع العلاقة من حالو لحالو طبيعي جدا بحكم تجربتي،مرات بتكون ظروف الا نسان اقوى منو، بس صدقيني الاه انعم علينا بنعمة انسيان يمكن يحب مرة وتنين و تلاتة عادي
المهم القلب عندو استعداد يحب و بجي حب ينسيك الاول، في ناس بتظحي بحبها عشان اشياء تانية وهي هي الحياة. فرح

بس ياحسان إزا انت بتقول هيك وانت مقتنع إنو رأي فرح صائب، معناه الحب الحقيقي ما بيكون غير مرة وحدة بالحياة، يعني فينا نحب مرة واتنين وثلاث
ها شووووووووووو
انت مع أي رأي؟

ليكي خلي قلبك يحب و كل مره حطي فبالك انوممكن يروح هي الحب ،وحبي تاني وهكدا الحياه
هههفههههههه. فرح

الحب جنة لما يكون من طرفينو عذابو حلو و جهنم لما يكون من طرف واحد. وعذابو مر. احنا ما بنختار اللي بنحبو القلب هو اللي بيختارو. وإذا وقعنا في الحبيب الي ما بيحبنا نحاول ننساه ونحب انسان يحبنا وحيكون اول حب.

مشكورين كلكن على ها المداخلات
تسلموا ان شاء الله

برجع وبأكد ع كلام الاخ حسان----يعني الظروف ممكن تكون السبب الرئيسي لانهاء اي علاقة حب -------مع انو بهالزمن صرت خاف من الحب----ومابعرف اذا لسى كلمة حب بتعني كتير هالايام اللي عايشينها-----بس اذا كان في شي اسمو حب فأنا مابتوقع انو شعور اللحظة الاولى بيتكرر مع تاني حب وتالت او رابع او او---المهم لما بنحب اول مرة نحنا منعطي كل شي عنا من شان مانخسر الشخص اللي منحبو ومنحاول نحارب كل الظروف وطبعا منكون مستسلمين لكل شي بيرتبط بكلمة حب اما اذا فشلت العلاقة لاسمح الله طبعا!! فالمرات القادمة رح تكون مجرد لحظات فرح بالشخص اللي معنا وحسابات دقيقة من شان مانخسر متل المرة الاولى وبكون هاجسنا الاساسي الخوف من الخسارة وبدون مانحس بنكون عم نخسر المشاعر الحلوة المرتبطة بكلمة حب------ومع الشكر للجميع
تقبلو مروري-----

مشكور رحيم على ها المداخلة، وإنا موافقتك تماما إنوا بالمرة الأ,لة قصدي بالحب الأول الانسان بيعطي كل ماعندوا من مشاعر وأحاسيس، بس حابة عن جد أعرف شو هي الظروف يلي بتخلي شخص يقطع العلاقة من دون حتى ما يدرا فيها الطرف التاني، مو بيقولوا إنوا الحب شراكة بين إثنين، كيف ممكن إنوا واحد من ها الاثنين يفضي الشراكة لحالوا، أنا هاد هو هدفي من ورا الموضوع
ما طرحت الموضوع أنا للحكي عن الحب أو شو هو وكيف بيكون.....

والله انا عم اتفق معك اختي اسماء
بس بدي احكيلك شغله ان الحب عندما يكون من الطرفين فهادا اسمي انواع الحب
واصعب شي فيه هو الغدر ان صح التعبير مو انهاء علاقه
اللي بيحب ما بينهي وما بيغدر وما بيجرح اللي بيحبه وان حصل وعمل هيك فهادا مو حب
بس الضحيه اللي حب باخلاص واتمني دوام العلاقه
مو اللي نهاها وقرر من نفسه يقتل حبيبه
واتفق مع الاخ رحيم في كلامه ان كان مقتنع بها الكلام

الظروف ممكن تكون عائلية ----مثلا----او مرضية ---او اي سبب قاهر----غير هيك انا مابتوقع انو ممكن حدا يتخلى عن شخص بحبو ببساطة وبدون اسباب مقنعة

والله اخي رحيم انا مقتنعه بها الكلام
بس انت متفق معي انو هناك اشخاص عم نحبهم وبنحاول
ما نزعلهم وهم بالاخير عم بيفكروا كيف يجرحوك
ويكافؤك علي حبك الهم
انا مقتنعه بها الكلام جدا
اي ممكن يكون هناك ظروف بس الاول لازم نوضح للطرف التاني اسبابنا
حتي مانتفهم خطا هيك قصدي ولا انت لك راي تاني

لا انا معك بالرأي لازم كل شخص قبل مايتخذ اي قرار انو يتشارك بالاسباب مع الشخص الاخر ويشرح وجهة نظره واذا كانت الاسباب ممكن انو نتجاوزها فليش لا-----ما في اجمل من اتنين بحبو بعض وعم يضحوا لاجل يكون مع بعض واهم شي انو تكون التضحية من الطرفين---------

طيب لكل يلي ردوا على ها الموضوع
شو رأيكن بالطرف يلي قطع علاقة حب من سنتين ولهلا الطرف التاني ما عندوا علم حتى بالسبب، ولساه لهلا بيسأل حالوا ليش؟ وكيف صار هيك؟