البطالة بعد التخرج

ها الموضوع متعلق بكتير من الشباب ويعنيني أنا شخصيا، هو مشكلة حقيقية بأغلب البلدان العربية، صعب كتير إنو الواحد يتعلق بأشيا يبني عليها آمال كتيرة وبعدين ينصدم بواقع عكس تماما لأحلاموا
بعرف انو ليس كل ما يتمناه المر يدركه
وبعرف كمان انو يجري الرياح بما لا تشتهي السفن
وكنت يعني متجاهلة شوي ها الموضوع، بس يلي خللاني اكتب فيه هو الحادثة يلي صارت مبارح 20/12/2010 بتونس ومتعلق بشاب متخرج وبيدور ع شغل ولما مالقى جواب واتسكرت كل الابواب بوشو حرق حالو وأشخاص معوا
يالله شو صعبه نسمع عن شغلات متل هاي، نحنا بالأول كمسلمين ومؤمنين رح نقول انو كتير غلطان، بس ما حدا بيعلم شو في بالقلوب غير خالقها
والله الصراحة أنا مجربة ها الشي وبتحسس منو كتير، كنا قبل ونحنا صغار بيقولونا أهالينا إنوا يلي ما بيدرس وبيطلع بشهادة ما إلو مستقبل
بس اليوم صرنا شافيين إنو يلي بيطلع بشهادة متل يلي ما بعمرو فكر فيها
والله صعب كتير ع واحد فنى عمرو بالدراسة وعطى كل ماعندو انو يظل هيك بالآخر، الفراغ شي كتير صعب والله لا يبلي حدا فيه.
قلونا شو صاير بالدني؟ وليش كل ها الشي؟