العمر .............قصير

[نور الهدي28]

العمر مهما طال قصير فالانسان يظل يحلم باشياء كتثيرة
يود ان يحققها فالشاب يحلم بالكثير
متل الحب والزواج والوظيفه والحياه الكريمه
ومن بعد ذلك يحلم بمستقبل مشرق للاولاد وغيرها من الاحلام
التي يحتاج لتحقيقها عمرا علي عمره كي يستطيع ان ينجزها
بس بدي اخد رأيكم ياشباب ايش يسوي اللي صار ما بين يوم وليله
يعرف ان عمره قصير جدا لا يتجاوز شهر بالكتير او اكتر او اقل
شوبده يسوي من احلامه اللي حس انها انسرقت منه
وايش اهم شي ممكن يسويه بها المده البسيطه
مع العلم انو ما حقق من احلامه الكتيره اللي كنا عم نحكي عنها الا القليل
بدي رايكم في انو كيف يستغل ها الشهر او المده القليله
الموضوع عنجد ضروري بالنسبه الي
وما عاد عندي وقت للانتظار

[asmaa]

شو يانور ليش ها الكلام، خلينا نفهم شو المشكلة بالأول لنقدر ننصح مضبوط، بس إنتي هيك عم تحكي ألغاز، بتخلي الواحد يودي ويجيب
ياريت حبيبتي تقدري تفهمينا بالضبط بشو بدك نصيحة، وإزا كان ما فيكي تحكي هيك ع العام، أنا ممكن إحكيكي ع الخاص بأي وقت بتحبي، إنت بس اطلبي وأنا رح رد عليك
ولا تخافي نحنا كلنا رح نكون معك وحدك، وإيمت ما احتجتينا رح تلاقينا إن شاء الله
وإلا فلشوا عاملين ها المنتدى من الأساس، مو لنكون عيلة وحدة
يالله يانور خلينا نسمع ردك
ماشي حبيبتي

[نور الهدي28]

والله اختي اسماء ما بعرف شو احكيلك بس اللي بدي تعرفيه انت وكل الشباب ان العمر قصير جدا بينسرق منك بلحظه لذلك لابد وان نتزود للاخره
متل اللي حصل معي فقد اخبرني الطبيب انه لم يعد لدي سوي..............
شو بدي احكي عندما تكتشف ان احب جزء في جسدك قد اصبح الد اعدائك وهو قلبك
مش بس هيك هو لا يريد تدمير عمرك بل دمره بالفعل واحرقه في لمح البصر
بس والله فيني احكي اني راضيه كل الرضا وراضيه عن ربي بس بدي اعرف شو سوي
في ها الفتره القصيرة بس هيك ومشكورة اختي علي الاهتمام

[asmaa]

حبيبتي نور إنتي أول كلمة قلتيها هي "أختي" فلازم الأخت تهتم بأختها ولا أنا غلطانة، ولازم تحطي ببالك منيح إنو أنا نماني عم بحكيكي فضل مني بالعكس هاد واجبي، وكمان ما رح قلك إنو ياحرام أو بدي اشفق عليك لأنوا كلماتك وألفاظك بتدل على إنك أقوى من إنو يهزمك مرض أو يكسرك ماشاء الله حولك الله عاطيك ها القوة والصبر
أنا بدي قلك شي يا حبيبتي، لا تضعفي، كوني قوية وكفي قوية متل ما إنت هلا، المرض هاد ابتلاء من الله سبحانه وتعالى، والله بيبتلي عبادو ليختبر قوة ودرجة صبرهن، وإنت ان شاء الله رح تكوني صبورة، وكمان اعرفي إنو الله بيبتلي عبادو المناح يلي راضي عنهن بالمرض لحتى يصفي ذنوبهن يعني إنت هلا بدرجة كتير كبيرة
إنت كان سؤالك شو بدك تسوي بها الفترة
أنا رح قلك اعملي كل يلي نفسك فيه إزا ما بيغضب الله وكان شي منيح
لا تروحي على حالك يوم
وأذكري الله كتير لأنو بها الوقت مع إنو نحنا كلنا معك وحدك ووعد منا ما رح نتركك بنوب أنا و كل عضو من المنتدى صرنا مسؤولين عنك، بس بيظل الملجأ الأول والأخير للرب سبحانه وتعالى، هو قادر على كل شي وهو بيتلطف بعبادوا
ورح قلك شي كمان حطيه حلقة بإذنيك، بعرف إنو العلم متطور كتير لدرجة إنو صار الطبيب بيتنيأ بالموت بس الله وحدوا يلي بيدري بساعتوا حتى النبي صلى الله عليه مسلم لما سُئل عن الساعة قال: "علمها عند ربي"
اتفاءلي خير حبيبتي والله بيجيب الخير
إن شاء الله ما كون طولت عليك بحديث، وإن شاء الله كون قدرت شيل عنك شوي
وإزا لزمك شي أحكيني حبيبتي، أنا أختك مو بس رفيقتك بالمنتدى
الله بيشفيك وبيعافيك

[farah]

يا بنات فهموني شوفي عشان اتفاعل معكم و لالاه مفاهم شي اختكم فرح

[RA7EM SALE7]

ولا شي يافرح بس نور كل لحظة بتمر من دون ماتكون معنا اون لاين بتحس انو عمرها قصير...وانا نفس الشي بحس انو رح موت بأي لحظة اذا مافتت عالمنتدى بس المهم بدي تعرف نور انو نحنا منحبها ودوما بانتظارها ومافينا نكون مبسوطين من دونها وبتمنى ماعاد تجيب سيرة الموت مرة ثانية لانو الواحد مابيعرف يومه ويوميا عم بيموت الملايين من الناس بس النسبة الاكبر عم يموت وخايف من الموت ومتعلق بالدنيا مع انو لازم نسلم امرنا لربنا بكل شي ونرضى بقسمته ويمكن الله يبتلينا بأختبارات صحيح مكن تكون قاسية علينا بس نحنا طالما عندنا ايمان بالله وبقدرته اكيد مستحيل نحس بلحظة ضعف بهالدنيا ونحنا لازم نتذكر دوما انو الله معنا واكيد في ناس كتير بتحبنا وواقفة معنا وبتتمنى النا دوم الصحة والعافيه..........وبتمنى دوم العافية للجميع والاقتناااااااااااااااع بقسمة رب العالمين........ومانحزن ع احلام ماحققناها لانو اكبر حلم وجود شخص بحبنا واقف معنا.....والسلام ختام

[asmaa]

والله كلامك جواهر يارحيم، بعتقد إنك قدرت توصل يلي حابين نقولو كلياتنا، وبتمنى إنو نور تفهم ها الكلام، وتفهم إنو لازم تكون معنا وحدنا وتشاركنا بكل شي
إن شاء الله

[نور الهدي28]

انا بدي اشكرك أسماء علي تعاطفك معي والله انا عم حبك من كل قلبي وبدي اشكر رحيم علي تبنيه توضيح وجهه نظري
بس من كل قلبي كنت اتمني انو يكون وجهه نظره صحيحه بس للاسف مابيقدر يفهم معاناه
الواحد منا الا الشخص نفسه انا صحيح عم اعاني بس ولله الحمد انا راضيه بقضاء الله وقدره
وما فيني اعترض والحمد لله وماني خايفه من الموت بل اني كل يوم عم استناه
وراضيه عن الله وعن قضاؤه والحمد لله وماني من الفئه اللي ذكرهم رحيم بالمرة
واحلامي اللي ما حققتها مو زعلانه عليها لاني راح ادعي من كل قلبي انو انتم تحققوه وتتهنوا فيها ومثلي ومثل الدنيا كغريب نزل بارض ولابد للغريب مهما
طالت غربته ان يرحل عنها
وبالنسبه للاختبار اللي عم يحكي عنه رحيم والحمد لله ادعو ان اتفوق فيه
ومشكورين اخواني علي كل شئ

[RA7EM SALE7]

بدي منك نور اذا الي معزة بقلبك انو تبقى نظرتك للحياة حلوة وعندك امل وتفاؤل كبير بقدرة الله وانا عندي امل وتفاؤل واحساس قوي بخليني حس انك رح تبقي معنا طول العمر..........وعم اتمنالك الصحه والعافية طول العمر ومن كل قلبي هالكلام......

[asmaa]

شكرا رحيم والله إنت ع طول ما بتقصر
الله يخليلنا ياك

[farah]

ي سلام عليكم كيلكم ش هي المشاعرالمتدفقه يعي لسه في امل في هي اجيل bravooooooooo
farah