أسئلة سورية يومية وبايخة

أسئلة سورية يومية وبايخة
> > *متسطح بتختك ونايم ومطفي الضو ومتغطي بالبطانية بيجي واحد من أهلك بيفتح الباب ويقول :
> > شو نايم ؟؟
> > لأ !! عم ارقص.. بس الوضع بيوحي إني نايم
> >
> >
> > *معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه
> > إجيتوا ؟؟؟
> > لا والله لساتنا عالطريق، في عجئة بشارع بغداد
> >
> >
> > *لابس أحلى أواعيك ومتعطّر وشايل مفاتيح السيارة وجزدانك ورايح لبرات البيت، بيجي حدا من أهلك بيسألك، شو رايحلك شي مشوار !!؟؟
> > لا والله طالع عالأسطوح صلّح الدش؟؟؟
> >
> >
> > *حامل سماعة التلفون وعم تبلش تدق بالأرقام، بيجيك عنصر مفاجئ من أهلك وعلى
> > وجهه علائم الإستغراب والدهشة: بدك تحكي بالتلفون؟
> > لأ شو إحكي !!! بس كنت عم عد أزرار التلفون بركي ضاع شي واحد ؟؟؟
> >
> >
> > *حاطت راسك ونازل بهالكتب والدراسة، بيجي أبوك أو امك...: عم تدرس؟
> > لا والله ...!! عم غير زيت للسيارة
> >
> >
> > *مذيعة بيوم العيد عم تلف بالشوارع وتلطي ع كم مواطن وتسأل وبنفس الوقت هي
> > بتجاوب: شو بتساوي اول يوم العيد ؟ أكيد بتروح بتزور الأهل والقرايب
> > لا والله بالعادة بفكر العب شدة وماروح لعندهم
> >
> >
> >
> > *بتطلع بميكرو وبتطلع (خمسة ليرات )وبتعطيها للي قدامك، وبكل برودة
> > بيئلك: واحد ؟
> > لأ 60 واحد ؟ ورجعلي الباقي
> >
> >
> >
> > *بدك تنزل من الميكرو: عاليمين زكاتك.... بتتلقى الرد: نازل ؟؟
> > لا والله بس عم جرب صوتي


و بشكر كل القراء الأعزاء
و بتمنى كون عم قدم شي حلو و خفيف
و بتمنى أن تكون الضحكة ما بتفارق حدا
لهيك أنا هون
شكرا للكل

عادي يا أوس
لازم يكون عندك طولة بال
بس هيك رح تقدر تشوف ها الأسئلة بطريقة ما تزعجك
وانت والله اسعدتنا بمشاركاتك
تسلم ايديك

عنجد هادا موضوع مهم وما بيحدث في سوريا وحدها بل في كل الدول
العربي بلا استثناء بس الطرق تختلف

بس بدي اكمل عليه
مبين ان ها الاسئله نكت المطلوب منا نضحك ولا شو؟..................
ههههههههههههههههههههه
مشكور اخوي عنجد رفهت عنا